Bilkuran izan diren hainbat lagunek "Udalak inorekin berbarik egin barik muralak ezabatu izana" kritikatzearekin batera, harridura ere adierazi dute udal gobernuak "eskuartean duen ordenantza eztabaidatu aurretik" muralak ezabatu dituelako. "Kaleak adierazpen askatasunaren eta adierazpen askerako lekua" izan behar duela-eta, zapatu goizean, 10:00etan, Santa Ana kaleko horman murala margotzera gonbidatu dituzte herritarrak, "koloretako herri anitz eta mozalik gabearen alde".
Zubiko murala ere berriz margotzeko asmoa agertu dute, "momentuan erantzuteko egin duten behin behinekoa baino politagoa" izango dela adieraziz.
