Soraluze Pilota Klubak aspaldiko emaitzarik onenak lortu ditu aurten
eta horren adibide izan da Debarroko Pelota Txapelketa: lehiaketara bi talde
aurkeztu eta biak txapeldun suertatu dira. Aurreko zapatuan jokatu zuten finala
Elgoibarren eta baita ondo jokatu ere. Jubeniletan Santamaria eta Kortabarria
bikoteak 22-17 irabazi
zion Aristi eta Diez bikote bergararrari. Partidua soraluzetarren alde hasi
zen, 19-10 irabazten zihoazela, 19-16ra hurbildu zitzaien bergararrak baina
azkenean Santamaria eta Kortabarria nagusitu ziren, 22-17 irabazita. Jubenil
mailan Gorka Santamaria izendatu
dute gainera, finaleko pilotaririk onena.
Final erreza Andreu eta Iruretararentzat
Nagusien
mailan berriz Andreu-Irureta bikoteak, Zuazua eta Bolinaga, Arrasateko bikotearen kontra lehiatu zuen.
Hasiera hasieratik beren nagusitasuna erakutsi zuten eta 22-7ko emaitzarekin,
aise irabazi zuten Nagusi Mailako finala. Andreu izan da, epaileen ustez, finaleko pelotaririk onena.
Hurrengo urterako asmoak
zehazten
Aurtengo emaitza onak ikusita, datorren urtean txapelketa honetako 3
mailetan (Kadete, Jubenil eta Nagusietan) lehiatzea jarri dute helburu eta bide batez, Herriarteko Txapelketan ere
parte hartzen ahaleginduko dira.