Eguaztenean, 30 ume inguru elkartu ziren Frontoian, Jorge Morales tronpa txapeldunak antolatutako txapelketan. Tronpak gertu, kirioak dantzan, txapelketari ekin baino lehen, aho zabalik ikusi zuten mexikarraren abilezien erakustaldia (ikusgai barruko bideoan). Segituan iritsi zen gazteen txanda. Ilaran jarrita, Moralesek agindutako ariketak egin zituzten, kanporaketa estilora. Amaitzeko, abilenei sariak eman zizkien mexikarrak. Gainerakoek, berriz, datorren eguaztenean izango dute beste aukera bat, berriro ere bertan izango baita Morales (frontoian 18:00etan). 

Atzo, eguena, guraso askoren arreta erakarri zuen Nerea Mendizabalen hitzaldiak, bertan izan ziren Plaentxi Eskolako hainbat irakasle ere. Harreman osasuntsuak lagun artean izenburuarekin, bide horretan seme-alabei laguntzeko gakoetako batzuk partekatu zituen adituak bertaratutakoekin.