Araneko frontoiko harmailetan senitartekoak eta lagunak zituztela, nor baino nor iaioago jardun zuten pilotan Soraluze Pilota Elkarteko pilotari gazteek, dotore, zuriz jantzita, aurten lehen aldiz. Hori gutxi ez eta gainera, domina jantzita bueltatu ziren guztiak etxera. Beraz, bariku arratsalde borobila izan zuten herriko pilotazale gazteek.
Aurten, 50 bat neska-mutiko ibili dira Soraluze Pilota Elkartean, nahiz eta barikuan gutxiago bertaratu ziren, haietako hainbat oporretan zirelako.