Lehen pausoak etxerik etxe eta jubilatuetan ilea mozten eman zituen. Ondoren, modu profesionalagoan, Bergarako Disdira ile-apaindegian ordurarte ikasitakoa praktikan jarri zuen. 2004az geroztik herrian ilea mozten eta estetika zerbitzuak eskaintzen dihardu: “Nire kontura lanean hasi aurretik beharrezko esperientzia eta formakuntza jaso nituen”.
Ekintzailea eta ausarta
Ile-apaintzaileen sektorea asko aldatu da azken urteotan eta Marimar beti ahalegindu da azken berritasunak bereganatu eta bezeroei eskeintzen. Horretarako, hainbat ikastaro egin ditu Bartzelonan, Madrilen eta Bilbon, besteak beste: “Ezinbestekoa da maite duzun horretan sinestea eta arriskatzea, eta uste dut lana eginda emaitzak etortzen direla, hori da nire filosofía”. Produktuen kalitatea asko hobetu da eta Mimar ile-apaindegian punta-puntako produktuekin lan egiten dute: “Gaur egun, ile-apaindegiak edertasun-zentro bilakatu dira eta garrantzitsua da denetariko zerbitzuak eskaintzea”.
Zerbitzu integralaz gozatzeko aukera
Hainbat estetika-zerbitzu eskaintzen ditu, bezeroaren beharretara egokituak: ile-apainketa, gorputz osoko laser-tea argizari depilazioa, makillajea, tinteak, manikura eta ilea ez erortzeko tratamenduak, solariuma etab... Bezeroak behar dituen tratamendu guztiak Mimarren bertan egin ditzake.
Jakitekoak:
Mimar, gizon eta emakumezkoentzako ile-apaindegia eta estetika zentrua
Helbidea: Gabolatz 6 behea ezk Tel. 943751513 – 682511404
Ordutegia: Asteartetik-ostiralera 9:00-12:30 / 15:00-19:30 Larunbatak 8:00-12:30
Asteazkenetan jubilatuen eguna
www.mimarileapaindegia.com wifia dohan