Benjamin mailakoen liga bukatuta, oso balorazio positiboa egin dute Marras Irristaketa Taldeko ordezkariek taldeko txikienek erdietsitakoaren inguruan.
“Emaitza onak” lortzetik harago, Marraseko presidente Arrate Gisasolak azpimarratu duenez, “polito” ibili dira. Are gehiago kontuan hartuta taldekideetako batzuk hasiberriak izan direla kirol diziplina horretan.
Euren artean sortu den giro onaz aparte, Gisasolak azpimarratu du esperientzia modura ere aberasgarria izan dela denboraldia Julian Fernandez entrenatzaile eta Oskar Cifuentes delegatu dituen taldearendako, “jende eta talde ” berriak ezagutzeko aukera izan eta “asko ikasi” baitute.