Barikuko elkarretaratzean salatu zutenez, “justizia oztopatzen duen jarrera horren azken adibide dira Ministerio Fiskalak hirugarrenez Joseba Borda eta Juan Karlos Subijanaren aurka jarritako helegiteak”.
Hori horrela, “euren togak mendekurako tresna bihurtu dituzten horiek” salatu eta haien aurrean urratsak ematen jarraitzeko eskatu zioten Eusko Jaurlaritzari. Halaber zera ere eskatu zuten: "Espetxe politika arrunta aplikatze bidean aurrerapausoak ematen jarrai dezala eta espetxeetako batzordeek euren irizpide profesionalak aplikatzen jarrai dezatela, Fiskaltzaren eta espetxe zaintzako epailearen jarreren aurrean".
Halaber, salbuespenezko espetxe politikak salatu eta “elkarbizitza eta konponbidearen” aldeko mezua helarazi zuten. “Konponbiderako Giltzak eskuetan hartuta jarraituko dugu, elkarbizitzara, bakera eta preso, iheslari eta deportatu guztien itzulerara eramango gaituzten ateak zabaltzen”.