Jose Antonio Ardanza lehendakariaren hil-kapera bihar goizean jarriko da Ajuria Enea jauregian (10:00-14:00) eta hileta-elizkizuna bihar 19:00etan Elorrioko Sortzez Garbiaren Basilikan izango da.
Arrasaten hasi zuen ibilbide politikoa Ardanzak, izan ere, 1979ko udal hauteskundeetan alkate aukeratua izan zen. 1983an alkate izateari utzi eta Gipuzkoako ahaldun nagusi kargua hartu zuen, eta hortik, lehendakaritzara. Lehendakari moduan urte gehien eman dituen politikaria da Ardanza, izan ere, Eusko Jaurlaritzako buru izan zen lau legegintzalditan, 1985 eta 1999 artean.