plaentxia.eus

Eskola Herritarra: I. saioaren kronika

Erabiltzailearen aurpegia   Hezkuntza

Atzo egin zen Eskola Herritarren I.saioa. Miren Harizmendik dinamizatu zuen ekitaldia eta bi ordu motz geratu ziren gaiaren inguruan zegoen guztia esateko eta entzuteko.

Atzo 18:30tan hasi eta 20:45 arte luzatu zen "Errespetua, Gatazken Eraldatzaile" Eskola Herritarraren I.saioa; bertan 15 lagunek parte hartu zuten eta egindako balorazioa positiboa izan zen.

Nabarmentzekoa izan zen parte hartzaileek erakutsi zuten interesa eta hasieratik sortutako konfiantzazko giroa. Dinamika praktikoen bidez gatazken inguruan hausnartu zen: Zer da gatazka? Nork sortzen du gatazka? Nola jokatzen dugu gatazken aurrean?... hainbat izan ziren erantzuten saiatu ziren galderak.

Azkenean, bi ordu motz geratu ziren eta gaian sakontzeko eta berau praktikan jartzeko beharra azpimarratu zen: "Gatazken aurrean dugun jokaera aldatzeko praktika asko beharko dugu"

Hilabetean saio bat izango du Eskola Herritarrak, parte hartzea irekia da, eta, II.saioan haurrekin sortutako gatazkak eta horrek beraien heziketan nola eragiten duen landuko da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa