Hamargarren edizioan, 78 txirrindularik parte hartu zuten 23 urtez beheragoko Soraluze Saria txirrindularitza proban. Iban Gonzalezek, Bidelan taldekoak, irabazi zuen lasterketa, eta garaikurra eta lore sorta jaso zituen. Bigarren lekuan Raul Santamarta (Seguros Bilbao) iritsi zen eta hirugarrenean Joakin Villalva (CAI).
Mendiko saria Aitor Olanok (Bidelan) jaso zuen eta Debabarreneko txirrindulari onenaren saria Beñat Urainek (Debabarrena). Talderik onena Seguros Bilbao izan zen.