Joseba Elustondok eta Jon Garatek hiru urte daramatzate elkarrekin eskalatzen. Pirinioetan eta Alpeetan ibili ostean, Patagoniako Fitz Roy mendilerroan jarri zituzten begiak, desirak eta ametsak. Hilabete inguru jardun zuten eskalatzaileentzat ikonikoak diren orratz izugarrietan eskalatzen, joan den otsailean. Hango ibilera eta bizipenekin osatu zuten Kotoizko Zaindariak dokumentala. Joan den urrian estreinatu zuten Herriko Antzokian, Morkaikoren mendiko emanaldien zikloan. BARRENi ere azaldu dizkiote Patagoniako eskaladen inguruko xehetasunak.