'Kotoizko zaindariak' film laburra estreinatuko dute eguenean Herriko Antzokian

Joseba Elustondo eta Jon Garate mendizale elgoibartarrek Patagoniako Cerro Torre mendian eginiko eskalada saioak jasotzen ditu Kotoizko zaindariak film laburrak, baina hori baino gehiago ere bada ametsei eta erronka pertsonalei buruzko ikusentzunezkoa. "Ideia batek zure burua zeharkatzen duenean, ez dago atzera bueltarik...", diote Garatek eta Elustondok.