Urduri eta estrainekoz jokatu zuen atzo, barikua, Ane Fidalgo Ezenarrok eskuz banakako alebin mailako partidua, Debako jokalariaren kontra. Urduritasuna gailendu eta galdu egin zuen soraluzetarrak.
Haien ondoren gomazko paletako hirugarren mailako partidua jokatu zuten Oñatek eta Fernandezek Tolosako bikotearen kontra; eta mutilek ere galdu egin zuten, 14 eta 25.
Bestalde, Gallastegik eta Etxeberriak ere izan zuten hitzordua gomazko paletako bigarren mailan, Hernanin. Soraluzeko bikotea, baina, dagoeneko sailkatuta dago Gipuzkoako Txapelketan final-laurdenak jokatzeko.
Final-erdirako txartela
Gipuzkoako Txapelketako eskuz binakako final-erdietarako txartela izango dute jokoan, berriz, Aitor Atxotegik eta Manex Balerdik.
Soraluzeko pilotariek bihar, domeka, jokatuko dute partidua Urbietak eta Urruzolak osatutako bikotearen kontra. 19:00etan hasiko da lehia, Arane kiroldegian.