Emakume adinekoek jasaten duten indarkeria bistaratzeko jardunaldia antolatu du Elgoibarko Udalak hilaren 22rako
2017ko aza. 15a, 12:44
'Emakumeak, zahartzaroa eta indarkeria matxistak: ikusten ez dena ikustaraztea' izeneko jardunaldia antolatu dute Elgoibarko Udaleko Berdintasun eta Ongizate sailek azaroaren 22rako, Gipuzkoako Foru Aldundiaren babesarekin. Ikerketa ugarik azaleratu dute adin handiko emakumeek dutela babes gutxien genero indarkeriaren aurrean, eta errealitate hori bistaratu nahi dute, ikusgarri egin esparru profesional askotan ere ikusezina dena. Izan ere, sarri -gehiegitan- termino orokorretan hitz egiten da halakotan, indarkeria generikoaz, eta horrek emakume izatearen eta emakume adinekoa izatearen arteko lotura ikustarazteko zailtasunak sortzen ditu.