Euskal Herriko Kriminologiako Profesionalen eta Ikasleen Elkarteak (EHKPIE) antolatu du konferentzia, “Zer da kriminologia?” izenburupean eta kriminologiaren inguruan gehiago jakin nahi duten herritarrei zuzenduta dago: “Gustatuko litzaizuke ezagutzea benetan zer den kriminologia? Jakin nahi zenuke gehiago kriminologiaz?”. Konferentzian kriminologiaren errealitatea aztertuko dute: kontzeptu garrantzitsuenak, lan aukerak, errealitate zientifikoa… Zientzia horren gainean ugaldu diren mito eta gezurrak argitzeko ere baliatu nahi lukete saioa.
Konferentzia arratsaldeko 19:00etatik 20:30era bitartean egingo da Koldo Mitxelena kulturguneko areto nagusian. Martin Luque, Daniel Romano eta Samira Raiss-ek berba egingo dute bertan.