haien bihotzen taupadak gara
Non ote da
itxaropena eta
Etsipenaren arteko muga
Zeure lubakiko burkideak
Ondoan erortzean?
Non ote da garaipenaren xarma
Bide ertzean utzitako gorpuak
Eguzkilore itsuen antzera
Ihartzen direnean?
Non ote da?
Gerra baten zauriak ez dira zahartzen
70 urteren ostean
Hil gabeko hilotzen loreak
Etengabe sortzen dira
Orain ere
Haien bihotzen taupadak gara
Taupada biziak
Zeru berrian ozen entzuten den
Memoria gara
{mosimage}
ez dut atzera egingo
Iragana tirokatzen hasten badira
Ez dut atzera egingo
Desagertuen bandera harrotuko dut
Ez dut atzera egingo
Fusilak gertu dituzte
Memoria zulatzeko prest
Galtzaileen aginduetara jarriko naiz
Ez dut atzera egingo
Kantu bete hegazkin gidatuko dut
Ez dut atzera egingo
Bertso zaharrekin kantu berri bat
Egingo dut zuretzat
“Agur maiteño
Gudara noian
Askatasuna zaintzera
Ez egin negar
Zergatik laster
Etorriko naun etxera”