Kiroldegiko ganbaran kokatuta dagoen Gaztetxokoak
zapatuan, apirilak 13, arratsaldeko 17:00etan zabalduko ditu ateak eta ekainaren
30era bitartean, domekero zabalduko da, 17:00etatik 20:00ra. Pil-pilean Euskara
Elkarteak hartuko du beregain Gaztetxokoaren kudeaketa, zehazki, Kukumixo
Aisialdi Taldeko bi begirale izango dira gazteak nahi dituzten ekintzak sustatu
eta antolatzeaz arduratuko direnak. Arduradunek Gaztetxokoaren helburua zein
den argi dute “gazteak maiz arazo gisa
ikusi izan dira gizartean eta gure asmo nagusia subjektu aktibo gisa kokatu eta haiekin
osatutako gune aske bat eraikitzea da”. Datozen hilabeteetan hezkuntza
ez-formaletik abiatutako aisialdi eskaintza
euskalduna plazaratuko dute, beti ere “gazteekin
lana eginaz eta gazteek dituzten problematikak ardatz hartuta”. Elkarbizitzarako
ohiturak adostea eta irteerak planifikatzea izango dira, besteak beste, hasierarako
erronka nagusiak.
Inaugurazio
ekitaldi berezia
Festa giroan zabalduko da Gaztetxokoa
zapatuan arratsaldeko 17:00etan. Jon Zubiaga aktoreak, Unai Iturriagak idatzitako
“Buah txabal!” antzezlana taularatuko du lehenengo eta jarraian, jana, edana
eta “sorpresa ugari” izango direla aurreratu dute arduradunek.
“Buah Txabal!” antzezlaneko SINOPSIA
{mosimage}Garikoitz Kortabitarte, goitizenez Beti, hogei urte bueltako gazte bat da. Bere goitizena beti lokalean sartuta egotetik datorkio. Bart, salbuespen moduan, herrira atera da parrandara eta tragedia bat gertatu zaio: mugikorra galdu du. Zergatik da, ordea, mugikorra galtzea halako tragedia Betirentzat? Garikoitzek horren zergatia kontatzen digun bitartean, euskararekin duen harreman gatazkatsua, bere izaera xelebrea eta lokaletako gazteen gaineko topikoen parodia muturreko baten lekuko egingo gaitu.