"Ni baino hobeto daguana, txarri galanta" Udako Argazki Lehiaketan parte
hartzeko epea barixaku honetan bertan itxiko da. Beraz, udan argazki
enbidiagarririk atera baduzu, sekulako parajean, konpainia onean, edo
momentu berezi baten instantea harrapatzea lortu baduzu, bialdu zure
argazkiak aldizkaria@pilpilean.com helbidera edota Pil-pileanera
hurbildu. Lehen sarituak landetxe batean
asteburu pasa lortuko du. Bigarrenak Txurrukan bazkaria. Epaimahaia
berriz, Kontrargiko kideek osatuko dute.
Momentuz udako 30 bat argazki heldu zaizkigu bulegora, eta zurearen zai gaude oraindik. Animatu eta hartu parte!
Hona oinarriak!
"Ni baino hobeto dagoena, txarri galanta!" V. Udako Argazki Lehiaketa
- Parte hartzaile bakoitzak, gehienez, 5 argazki aurkez ditzake.
- Argazkiarekin batera adierazi beharko dira:
-Egilearen izen-abizenak.
-Harremanetarako telefonoa.
-Argazkia non ateratakoa den.
-Argazkian zer eta nortzuk agertzen diren.
- Argazkiak jasotzeko epea: irailaren 30a.
- Argazkiak aurkeztu ahal izango dira paperean edo digitalizatuta (paperean ondo erreproduzitzeko adinako bereizmenarekin).
- Bidali argazkiak eta aipatutako datu GUZTIAK e-postaz aldizkaria@pilpilean.com helbidera edo Pil-pilean Euskara Elkartera.
- Egoitzara ekartzekotan, kartazal batean sartuta (egilearen izen-abizenekin), CD batean edo argazki digitalak gordetzeko beste edozein euskarritan eta JPG formatuan.
- Parte hartzeko ez da ezer ordaindu beharko.
- Argazkiak izan daitezke koloretan zein zuri-beltzean.
- Epaimahaia Kontrargi argazki kolektiboko kideek osatuko dute.
- Argazki guztiak Plaentxia.com webgunean eskegiko dira.
SARIA:
Irabazlearentzako, landetxe batean asteburu-pasa. Bigarren sarituarentzako Txurrukan bazkaria.