Bihar abenduaren 3a da, Euskararen Nazioarteko Eguna. Egun honen harira, herrian hainbat ekitaldi antolatu dituzte, Soraluzeko Udala, AEK, HHI, EHE, Pil-pilean Euskara Elkartea, Plaentxi HI-k.
Egun handia ospatzeko, Udaletxean euskararen aldeko pankarta zintzilikatuko da eta egunean zehar musika izango da.
Abenduaren 3a, Euskararen Nazioarteko Eguna
-Bihar, "Nik Euskaraz!" lemapean murala margotuko dute gaztetxoek ikastetxean.
-Arratsaldeko 19:00etan, "Bidaia Intimoak" dokumentala eskainiko dute kiroldegiko erakusketa gelan. Jon Maiak zuzendutako dokumental hau, Korrika 16-rako egin zuen. Bertan, Euskal Herrira etorritako lau lagunen istorioa kontatzen da. Trailera ikusteko klikatu hemen .
Abenduaren 4a
-Barixakuan, umeendako "Barre Laborategia" izeneko antzerki emanaldia izango da En La Lona antzerki taldearen eskutik, kiroldegiko zine aretoan arratsaldeko 17:00etan. Umeek hiru enigma argitu beharko dituzte laborategi baten esperimetuak egiten ari den zientzilari eszentriko batekin .
| {mosimage} |
"Klik egiozu euskarari"
Eusko Ikaskuntzak bere interneteko orrian Kukusumusuk Euskararen Egunerako diseinatutako kamisetak zozketatzen ditu. Bat irabazi nahi baduzu, bere orrian sartu eta euskararen aldeko mezu bat idatzi.
| {mosimage} |