Asteburuko kirol emaitzen ohiko errepasoa jubenilen
garaipenarekin hasiko dugu. Arizmendiri, 1-6 irabazi baitzien joan den
zapatuan. Bosgarren daude 11 punturekin, buruan Amaikak Bat 27
punturekin. Hurrengo jarduanldian Urolaren aurka jokatuko dute.
Kadeteek ordea, emaitza berberarekin baina
galdu egin zuten 1-6 Ilintxaren aurka. Horrela, hauek ere bosgarren
daude 13 punturekin; Lagun Onak dago lehenengo 33 puntu batuta.
Datorren asteburuan, Mutriku Txikiren aurka hiru puntuak lortzen
saiatuko dira.
Erregionalek 1-0 galdu zuten Zumaiaren aurka.
Modu honetan, sailkapenean zortzigarren daude 15 punturekin; Hurrengo
partidua Getariako Ketaren aurka jokatuko dute, hirugarren daude 22
punturekin.
Aritz Laskurainek Tolosan du hurrengo partidua
Laskurainek Zaldibarren jokatu zuen; Titin III.arekin
bikote, 22-8 irabazi zuten, Berasaluze IX eta Zubietaren aurka.
Datorren abenduaren 5ean, Tolosan jokatuko du. Partidua ondorengoa
izango da:
Olaizola II - Peñagarikano
Xala - Laskurain