Okelarik jan gabe bizi daitekeela egiaztatu nahi duenak, gaztetxean izango du aukera domeka honetan egingo den afari begetarioanoan. Iluntzeko 21:00etan sabela bete eta 22:30etan Mursego txelo-jole eibartarrak girotuko du gaua.
MURSEGOren atzean, Maite Arroitajauregi musikaria dago. Argitaratu berri duen "Bat" lana aurkeztuko du domekan. Ordura arte itxaroterik ez baduzu entzun bere orrian zintzilikatu dituen kantuak: www.myspace.com/mursego
Afarirako tiketak gaztetxean edo Belarrak belar dendan eskuratu daitezke 3 eurotan.
Hurrengo afaria azaroaren 5erako antolatu dute.