Gonbitea Etxealditik Euskaraldira ekimenarekin bat egiteko

Erabiltzailearen aurpegia
365 Lan Taldeko kideek koloretako puntua jarri dute leihoan, ekimenean parte hartzen dihardutela adierazteko.

365 Lan Taldeko kideek bat egin dute Etxealditik Euskaraldira ekimenarekin eta dei egin diete plazentziatarrei ekimenean parte hartu eta etxean euskarari leku gehiago egiteko aukerak baliatu ditzaten.  

#EtxealditikEuskaraldira ekimenari ikusgarritasuna emateko, etxeko leiho edo balkoian koloretako puntu bat jartzeko deia zabaldu dute. Puntua izan daiteke kartulinazkoa, errotulki eta margoekin egina, oihal zatia... nahi den modukoa.

Horrekin batera, Whatsappeko profil irudian azpiko irudia jartzeko gonbitea ere egin dute. 

Ekimenetik bidali dituzten proposamenakk aurkituko dituzu Soraluzeko Etxealditik Euskaraldira kanalean.