Barren.eus

XXII. Margo lehiaketa egingo dute bihar, irailaren 23an, Mendaron. Udalak antolatu du eta nahi duen orok parte hartu ahal izango du lehiaketan. Mendaroko herriari dagokion edozer marraztu beharko dute parte-hartzaileek, beti ere mugatutako denboran.

Elgoibarko Izarra Euskaltzaleon Topaguneak aurkezten duen ekimen berria da Baguaz! bidaia-esperientziak, Elgoibarko Udaleko Kultura Sailak babestutakoa. Elgoibarko Izarrako bazkide Maialen Astigarraga Alberdirena da ideia, eta bidaietako esperientziak ezagutzera ematea du helburu.

Sinuöse kolektiboak antolatutako Sotoko Hotsak zikloko bigarren eta azken emanaldia eskainiko du Bilboko Atom Rhrumba taldeak, gaur gauean, Elgoibarko Kultur Etxeko sotoan.

Herritarrekin eta herritarrentzat egindako proiektua da BARREN, eta horregatik oso garrantzitsua da guretzat herritarrek BARRENi buruz duten iritzia jasotzea. Horretarako inkesta bat prestatu genuen, eta 122 lagunek erantzun zuten galdetegia, 98 elgoibartarrek, 17 mendaroarrek eta gainerako erantzunak bi herri horietatik kanpoko irakurleek eman zituzten. Eskerrik asko guztioi galdetegia erantzuteko hartu duzuen tarteagatik, BARREN herritarren gustura egokitu ahal izateko ezinbestekoa da-eta guztion iritzia ezagutzea. Erantzun horiek aztertu eta emaitza esanguratsuenak jaso ditugu.

1936an, frankistek hil zuten Federico Garcia Lorca poeta andaluziarraren eta urtebete geroago fusil berek hil zuten Esteban Urkiaga Lauaxeta euskal poetaren obran eta bizitzan oinarritu dute  'Ele!! Lorca-Lauaxeta' lana Jon Maia gidoilariak eta Josu Kamara zuzendariak. Elgoibar 1936 taldeak, Udalaren laguntzarekin, gaur (irailak 22) ekarriko du Elgoibarrera.

Gararock jaialdiaz gozatzeko aukera izango da zapatuan (irailak 23) Mendaron, Garagartzako plazan. Bigarren edizioan zazpi taldek eskainiko dituzte kontzertuak.

Inma Muguerza hidrogeologa elgoibartarrak gidatuko du zapatu honetan, hilak 23, Elgoibarko kaleek gordetzen dituzten "altxor geologikoak" ezagutzeko antolatu duten bisita gidatua.

Sotoan beharrean Herriko Antzokian hasiko da gaur (irailak 21) Sinuöseren ‘Sotoko Hotsak’ musika zikloa. Gernikako Audience taldeak Jai Alai Blues dokumentalaren soinu banda eskainiko du zuzenean.

Elgoibarko Udal Kirol Patronatuak bi jarduera berri jarriko ditu martxan urrian. Batetik, mugimendu funtzionaletan oinarritzen den entrenamendua landuko dute Krossfit ikastaroetan; eta, bestetik, oreka eta malgutasuna landuko dituzte TRX ikastaroan izena ematen dutenek. Bata zein bestea probatu nahi dituztenentzat debaldeko saioak antolatu ditu Kirol Patronatuak.

Eguaztenean Katalunian eginiko polizia operazioa salatu eta Katalunian urriaren 1erako deituta dagoen galdeketari elkartasuna agertu zioten atzo Elgoibarren eta Mendaron, EH Bilduk deitutako elkarretaratzeetan. Barixakurako beste elkarretaratze bat deitu du Elgoibarko EH Bilduk.

Hizkuntzaren familia transmisioan eragiteko asmoz, Itziarko Txindurri Iturri sagardotegira familia irteera antolatu du Atxutxiamaikaren Kiribilduz egitasmoak, Elgoibarko Udalarenkin lankidetzan.

Gotzon Gurrutxaga eta Javier Hernando elgoibartarrek Madrid-Segovia mendi lasterketan parte hartu dute asteburuan. Estreinakoz korritu dute ultra distantziako proba bat eta esperientzia "polita bezain gogorra" izan dela azaldu dute.

Oñatiko IX. San Migel Sarian parte hartu zuten Zartako arkulari Javier Varonak eta Hugo Sierrak, joan den irailaren 17an. Gainera, Gipuzkoako txapelketa ere bazen Oñatikoa, basoko 3D modalitatean.

Elgoibarko Udalak jakinarazi duenez, 600 inkesta egingo dituzte herritarrek emandako erantzunen bidez Mugikortasun Iraunkorrerako Plan berria hobetzeko asmoz.

Espainiako Errepideko Master Mailako Txapelketa jokatu zuten domekan Colindresen (Kantabria). 30 urtetik gorakoen mailan seigarren postua eskuratu zuen Eibartrans-Gobike taldeko Ramon Javier Garcia elgoibartarrak.

Naroa Rodriguez, Jone Navarro eta Claudia Arrillaga elgoibartarrek osatzen dute Pinparblue taldea zazpigarren postuan sailkatu da World Robot Olympiad barruan Murtzian jokatu duten Espainiako txapelketan. Hain zuzen, gaiarekin lotuta, Euskadiko I. Hekuntza Robotika Txapelketa egingo da zapatuan, Eibarko Astelena pilotalekuan.

Sanlobeer garagardo feria antolatu du Sanlok, bosgarren urtez -Maalan egi duten bigarrena- eta pozik daude aurtengoak eman duenartekin. Feriak iraun duen lau egunetan "eguraldi txarra" egin duen arren, jende asko hurbildu dela Maalara nabarmendu dute.

43 urteko Elgoibarko bizilagun bat 30 metroko altueratik erori zen zapatuan Leongo Bustil mendiaren gailurrean, eta Guardia Zibilaren mendiko taldeak erreskatatu zuen helikopteroz.

Zirardamendi-Aiastia (San Migel) fronte-lerroan hildako gudariak omendu zituzten atzo, urtero legez, iraileko azken aurreko domekan. Elgoibarko Udaleko hainbat zinegotzik, Elgoibar1936 taldeko kideek, Arnaldo Otegik eta Joseba Felix Tobar Arbulu, Zirardamendin hil zituzten gudarietako baten senideak parte hartu zuten omenaldi ekitaldian.

Eguraldia lagun, 300 lagun inguruko tropela batu zuen atzo Elgoibar 2 Erroberatan bizikleta irteeraren 13. ekinaldiak.