Futbol zelai eta Ospital-iturritik barrena joango da Hankabero

Soraluze

Gaur, eguaztena, Hamabostero Hankabero ekimenaren baitako ibilaldia egingo dute, zubitik 19:00etan abiatuta. Soraluze, Mugituz! topaguneak jakinarazitakoaren arabera, Ezoziko futbol zelaia eta Sagarrerrekan dagoen Ospital-iturri bisitatuko dituzte, besteak beste.

Soraluzeko judoka gazteak Ondarroan

Soraluze

Zapatuan, 10 bat judoka soraluzetar Ondarroan izan ziren, bertako judo topaketetan. Guztira, Gipuzkoatik bertaratutako 180 bat judokak parte hartu zuen lehiaketa mundua zelakoa den ezagutzera ematea helburu zuen ekimenean; hori horrela, guztiak bueltatu ziren etxera urrezko domina banarekin.