Bizikale Azoka eta desfilea argazkitan

Soraluze

17:00etan zabaldu zuten atzo, barikua, Bizikale Azoka; jende gutxirekin hasieran, apurka-apurka animatzen joan zen giroa. Moda desfilerako, hori bai, bete-beteta zegoen Plaza Zaharra, nahiz eta euria gogortzen hasi justu orduantxe. Edozelan ere, herriko modeloak alfonbra gorrira irteteaz bat berotu zen plazako giroa, izan ere, modeloek dena eman zuten Bizikalaren pasarelan.

Zein baino zein dotoreago

Soraluze

Plaza Zaharra gainezka zela eta euriari aurre eginez desfilatu zuten zein baino zein dotoreago Bizikaleren moda desfilean herriko modelo txikiek eta handiek atzo, barikua. Fanny Mertzeriako, Kooperatibako eta KLB6-ko jantziak soinean zituztela, estilo handiarekin egin zuten alfonbra gorriak markatutako ibilbidea, ikusleen txalo zaparradak lagunduta. (BIDEOA: Fernan Oregi)