Ametserantz hausnarketarako parte hartze prozesuaren hirugarren, laugarren eta bosgarren saio monografikoak egin genituen martxoaren amaieran: kulturgintza, komunikabideak eta Kukumixo landu genituen. Saioz saio jasotako uztaren laburpentxoa jaso dugu ondorengo lerroetan. Orain arteko saioetan, guztira, 41 herritarrek parte hartu dute. Itxierako saioa datorren eguaztenean egingo dugu.

Errigoraren udaberriko Eskutik Eskura kanpainak harrera ona izan du plazentziatarren artean. Guztira, 44 herritarrek eskatu dituzte Nafar hegoaldeko produktuak eta 14.594 euroko ekarpena egin diote Errigorari.