Maiatzaren 28ko udal hauteskundeetarako zerrenda aurkeztu du Soraluzeko EH Bilduk. Koalizioak Unai Larreategi aurkeztu du alkategai eta hark “Soraluze pizteko gogoz” datorren lantaldea izango du alboan, udal jardunera lehen aldiz aurkeztu diren "aurpegi berriz" eta dagoeneko "eskarmentua" duten herritarrez osatua; “arlo ezberdinetan aditu eta arituak”. Generoari dagokionez, zerrenda parekidea da eta adinez, berriz, askotarikoa.