Ekainaren 9an, Auzoko egitasmoaren ikasturte amaierako jaia ospatuko dugu Aretxabaletan. Bertan parte hartu nahi izanez gero, Soraluzeko Auzokon eman daiteke izena.
Ezozia auzoko jaiak ospatuko dira, urtero legez, ondorengo egitarauarekin: 12:30ean Meza. 13:00etan Bertsolariak: Eneko Beretxinaga eta Jokin Bergara. Aizkol-jokoa: Aitzol Atutxa vs Iker Vicente. 14:30ean Bazkaria Armendin bertsolari eta trikitilariekin. Goiz osoan zehar, Larreategi anaiek alaituko dute giroa trikitixarekin.
Soraluzeko Musika Eskolak 2019/2020 ikasturterako matrikulazio-epea zabaldu du, maiatzaren 15etik ekainaren 19ra. Izen-ematea: Musika-eskolan. Ordutegia: Astelehena 11:30-12:30 eta 15:00-16:45.Asteazkena 10:30-12:30 eta 15:00-16:45.Ostirala 10:30-12:00.Harremanetarako: Tel. 943751544 soraluzemusika@gmail.com
Ekainaren 14a bitartean dago zabalik datorren ikasturtean ludoteka edo gaztelekua erabili nahi duten haur eta gaztetxoentzako izena emateko epea; ordutegiak iazo berberak izango dira.
Ekainaren 29an, zapatuan, eguerditik iluntzera arteko jaia antolatu dute herriko gazteek, Berenjena Eguna izenez bataiatu dutena. Estreinaldia izango du egun horrek herrian, eta ekitaldien artean bazkari erraldoia egingo dute gazteek frontoiko aterpean. Bertarako izen-ematea astelehenean bukatuko da.