Irailak 24, zapatua
Gorengoen erregional maila
Taldeak: Soraluze "A" 1-0 EibarUrko
Goleatzailea: Txiki (1)
Sailkapena: 2, 6 punturekin.
Sora "A"k hirunaka gehitzen jarraitzen du
Etxeko taldeak garaipenarekin hasi du denboraldia zaleen aurrean jokatu duen lehen partiduan. EibarUrko taldeak etxekoak estu hartu dituen arren bigarren zatian "Txiki"k penaltiz sartutako golak erabaki du partidua.
Lehen zatian Eibarko taldea nagusi izan da eta beraiena izan da baloi jabetza. 12. minutuan izan dute eibartarrek lehen gol aukera eta 18.ean zutoinera jaurti dute buruz egindako errematea. Etxekoek defentsan lan asko egin behar izan dute lehen 45 minutuetan baina soraluzetarren defentsak ongi eutsi dio eibartarren presioari.
Bigarren zatian guztiz aldatu da partidua eta lehen minututik etxekoak hartu dute partiduko aginte makila. Geldikako jokaldietan sortu dituzte gol-aukerak etxekoek. 6. minutuan egin dute lehen jaurtiketa areaz kanpo eta 12.ean izan dute aukera garbiena "Letu"k korner-batean buruz egin duen errematearekin. 18. minutuan, korner-jokaldian hau ere, "Bosko"k egin du errematea baina honek ere ez du aterik ikusi. 28. minutuan Cenzual area barruan eibartarren defentsa gainditzen saiatu denean penaltia egin diote. "Txiki"k hartu du jaurtitzearen ardura eta ez du hutsik egin (1-0). Epaileak partiduaren amaieran pitatu arte Eibarko taldea golaren bila joan da itxu-itxu baina ez dira gai izan etxekoen atea zulatzeko. Partiduaren amaieran, Soraluzek bigarren garaipena lortu du erreskadan eta bolada onari eusten dio beste aste batez.
Lehenengo erregional maila
Taldeak: Urki 3-2 Soraluze "B"
Goleatzaileak:
Sailkapena: 8. punturik gabe
Lehenengo jubenilen maila
Taldeak: Antzuola 5-1 Soraluze
Goleatzailea: Iokin Entrena
Sailkapena: 8. punturik gabe
Lehenengo Infantilen maila LAGUNARTEKOA
Taldeak: Soraluze 1-5 URKi
Goleatzailea: Antxon Zubiaurre