2001eko irailaren 8an gartzelara bidean hil ziren Asier eta Iñakiren oroimen ekitaldiak egin dituzte herrian; eguenean Plaza Berrian eta zapatuan Karakaten. Beste behin, dantza, poesia, bertso eta kantu bidez gogoratu dituzte errepidean hil ziren bi lagunak, eta horrekin batera, dispertsio politika amaitu dadin eskatu dute: “dagoeneko 16 lagun hil eta beste hainbat zauritu eragin dituen salbuespeneko gartzela politika da. Normaltasunez onartu ezin dugun anomalia”. Dispertsioaren biktimak memoria ofizialetik kanpo lagatzeko ahalegina kritikatu dute: “batzuek beraien neurrira egiten dihardute biktimen memoria, zuek denok kontuan hartu gabe. Baina ez diegu lagako. Egia, justizia eta errekonozimendua aldarrikatuko dugu, herri honen historia idatziko dugu”.